Rasijskija ŚMI publikujuć videa zdačy ŭ pałon paranienych abaroncaŭ Maryupala z «Azoŭstali»
Na zapisie rasijanie ŭ kamuflažy i ź biełymi paviazkami abšukvajuć paranienych i tych bajcoŭ, jakija niasuć ich na nasiłkach.
Ukrainskija abaroncy — z zaplečnikami. U kancy videa pakazvajecca, jak paranienym robiać pieraviazku. Na apošnich kadrach ukrainskija bajcy — u aŭtobusach.
«Vyratavańnie abaroncaŭ Maryupala mahčymaje tolki pa adnoj schiemie», — skazała siońnia namieśnik ministra abarony Hanna Malar.
«Vajennaja debłakada niemahčymaja ŭ hetaj situacyi. I inšaj formuły vyratavańnia, čym taja, jakaja vykarystoŭvajecca ciapier, być nie moža», — zajaviła jana.
Apieracyja budzie pravodzicca da viartańnia vajskoŭcaŭ na padkantrolnuju Ukrainie terytoryju. Dla hetaha nieabchodnaja pracedura abmienu.