U Hienadzia Fiadyniča ŭ SIZA pahoršaŭ stan zdaroŭja
Byłoha kiraŭnika niezaležnaha prafsajuza REP (radyjoelektronnaj pramysłovaści) Hienadzia Fiadyniča, jak i inšych jaho kaleh, trymajuć u SIZA na Vaładarskaha, chacia pieršapačatkova ŭtrymlivali ŭ SIZA KDB.
Hienadź Fiadynič na fota sprava
U SIZA na Vaładarskaha pieraviedzieny i lidar aršanskaha niezaležnaha prafsajuza REP Vasil Bieraśnieŭ. Dakładnaj infarmacyi pra toje, što inkryminujuć prafsajuznym aktyvistam, niama. Pavodle papiaredniaj nieaficyjnaj infarmacyi, ich abvinavačvajuć va ŭdziele ŭ ekstremisckim farmiravańni (art. 361.1 Kryminalnaha kodeksa), piša «Narodnaja vola».
Kalehi aryštavanych prafsajuznych aktyvistaŭ raskazali, što ŭ Hienadzia Fiadyniča ŭ SIZA abvastrylisia prablemy sa zdaroŭjem: z-za stresu ŭzrovień cukru ŭ kryvi amal nie źbivajecca insulinam.
Taksama zatrymanym nie addavali listoŭ i pieradač. Bieraśnievu navat nie pieradali akulary.
KDB pryznaŭ prafsajuz REP ekstremisckim farmiravańniem jašče 7 krasavika. Adnak vobšuk i aryšt adbylisia 19 krasavika — adnačasova ŭ niekalkich niezaležnych prafsajuzach, byli zatrymanyja 15 čałaviek. Cikava, što ŭ adroźnieńnie ad inšych, ofis prafsajuza REP nie apiačatany. Praŭda, kanvierty ź listami ad «Biełenierha», uvatknutyja ŭ dźviery, śviedčać pra toje, što supracoŭniki ŭ jaho nie zachodziać albo zachodziać redka.