Suprać palitviaźnia Aleha Rubca raspačali novuju spravu
Stała viadoma, što suprać palitviaźnia Aleha Rubca, asudžanaha da 5,5 hadoŭ kałonii, u navapołackaj kałonii №1 uzbudzili kryminalnuju spravu pa art. 411 KK (złosnaje niepadparadkavańnie patrabavańniam administracyi papraŭčaj ustanovy). Akramia hetaha, jaho chočuć pieravieści ŭ «krytuju» turmu, paviedamlaje «Viasna».
Pra heta Alehu paviedamili 12 maja padčas dyscyplinarnaj kamisii ŭ PK-1.
U lutym administracyja navapołackaj kałonii zakinuła palitviaźnia ŭ ŠIZA na 40 sutak. Paśla hetaha jaho źmiaścili ŭ PKT, pazbavili pieradač, zvankoŭ i spatkańniaŭ. Adnak, pa słovach jaho blizkich, chłopiec nie hublaje badzioraści duchu.
Aleha zatrymali 10 žniŭnia 2020 hoda za ŭdzieł u «masavych biesparadkach» u noč z 9 na 10 žniŭnia ŭ Pinsku (č. 2 art. 293 KK). 30 krasavika minułaha hoda Alehu prysudzili 5,5 hadoŭ kałonii ŭzmocnienaha režymu.