Na sud nad aktyvistkaj prafsajuza REP Zinaidaj Michniuk nie puścili navat muža
Žančynu abvinavačvajuć u abrazie Łukašenki, kvalifikavaŭšy heta pa č. 1 art. 368 Kryminalnaha kodeksa. Spravu razhladaje sudździa Andrej Hruško.
Jak paviedamili «Viaśnie», na pasiadžeńnie pryjšli kala dvuch dziasiatkaŭ čałaviek. Ź ich puścili tolki 4 (mierkavana, usie jany ŭ statusie śviedak pa spravie). Astatnich ža nie puścili, u tym liku muža Zinaidy.
Zinaida Michniuk — aktyvistka prafsajuza REP, była zatrymanaja 25 sakavika paśla vobšukaŭ u jaje doma i ŭ ofisie arhanizacyi. Žančynu da suda źmiaścili ŭ SIZA №7 Bresta.
Pavodle infarmacyi, jakuju dasłaŭ adzin sa źniavolenych z-za krataŭ, Michniuk abvinavačvajuć na asnovie materyjałaŭ z prasłuchoŭvańnia, jakoje viałosia ŭ jaje, jak u aktyvistki prafsajuza REP.