44 čałavieki pakaranyja za bojku kala Nacyjanalnaj biblijateki
Sud Pieršamajskaha rajonu pakaraŭ futbolnych zaŭziataraŭ administracyjnymi aryštami i štrafami.
44 čałavieki atrymali administracyjnaje pakarańnie za ŭdzieł u masavaj bojcy, što adbyłasia dniom 30 žniŭnia na vulicy Skaryny ŭ Minsku, kala Doma miłasernaści. Usie administracyjnyja spravy razhladalisia ŭ sudzie Pieršamajskaha rajona.
Jak paviedamili BiełaPAN u sudzie, udzielnikam masavaj bojki pryznačany pakarańni ŭ vyhladzie štrafu ad 3 da 25 bazavych vieličyń, administracyjnaha aryštu na termin ad dvuch da siami sutak. Kolki čałaviek pakarany, a taksama jaki ŭzrost pravaparušalnikaŭ, nie paviedamlajecca.
Jak raniej pieradavaŭ BiełaPAN, orhany ŭnutranych spraŭ vyśviatlajuć, što pasłužyła padstavaj dla masavaj bojki. Infarmacyja ab zdareńni pastupiła na śpiecliniju 102 prykładna ŭ 15.00. Bilisia pryblizna 80 čałaviek, prykładna pałova ź ich, jak zatym vyśvietliłasia, byli nie minčanie.
Za ŭdzieł u bojcy było zatrymana bolš za 50 čałaviek. U dačynieńni da ich składzieny administracyjnyja pratakoły za drobnaje chulihanstva. Niepaŭnaletnija byli pieradadzieny baćkam, paŭnaletnija — źmieščany ŭ Centr izalacyi pravaparušalnikaŭ HUUS. U balnicy pastupiła pryblizna 10 čałaviek.