Kryvavy ŭmałot
U Bresckaj vobłaści kambajny śmiarotna traŭmavali žančynu i mužčynu.
U Bresckaj vobłaści 31 žniŭnia adbylisia dva niaščasnyja vypadki, u jakich kormaŭboračnymi kambajnami śmiarotna traŭmavanaja 79-hadovaja piensijanierka, 46-hadovy mužčyna atrymaŭ ciažkija cialesnyja paškodžańni.
Pieršy vypadak adbyŭsia kala dzieviaci ranicy ŭ Pinskim rajonie. Jak paviedamili ŭ prakuratury rajona, na poli pobač ź vioskaj Čamla 79-hadovaja miascovaja žycharka źbirała kukuruznyja pačatki. Vyšynia kukuruzy na hetym učastku pola dasiahaje troch mietraŭ. Miechanizatar, jaki ŭbiraŭ kukuruzu na kambajnie, nie zaŭvažyŭ žančynu i začapiŭ jaje žniajarkaj. Z traŭmatyčnaj amputacyjaj pravaj nahi jana była źmieščana ŭ reanimacyjnaje adździaleńnie Pinskaj haradskoj balnicy, dzie pamierła.
U hety ž dzień u 16.40 u Bresckaje RAUS pastupiła paviedamleńnie ab tym, što na poli pablizu vioski Lepleŭka žniajarkaj kambajna dla ŭborki kukuruzy traŭmavany 46-hadovy miascovy žychar. Z traŭmatyčnaj amputacyjaj abiedźviuch halonak jon źmieščany na lačeńnie ŭ balnicu. Pravierku pa dadzienym fakcie pravodzić Bresckaje RAUS.