Nił Hilevič u «Biełaruskim knihazbory»
U minskim vydaviectvie «Knihazbor» nakładam 1 tys. asobnikaŭ vyjšaŭ zbornik vybranych tvoraŭ narodnaha paeta Biełarusi Niła Hileviča — 48-my tom sieryi «Biełaruski knihazbor». Pa słovach dyrektara vydaviectva Hienadzia Viniarskaha, u 600-staronkavaje ilustravanaje vydańnie ŭvajšli najbolš značnyja tvory roznych žanraŭ vybitnoha biełaruskaha paeta, litaraturaznaŭcy, falkłarysta, pierakładčyka i hramadskaha dziejača — vieršy, paemy «Zaručyny» i «Łodački», raman u vieršach «Rodnyja dzieci», aŭtabijahrafičnaja apovieść «Pieražyŭšy vajnu», ese pra słavutych dziejačaŭ litaratury i publicystyka. Siarod publicystyčnych tvoraŭ — najbolš viadomyja vystupy Hileviča ŭ abaronu biełaruskaj movy, nacyjanalnaj historyi i kultury, u tym liku 1990—1996 hadoŭ, kali jon uznačalvaŭ pastajannuju kamisiju Viarchoŭnaha Savieta pa adukacyi, kultury i zachavańni histaryčnaj spadčyny.
Ustupny artykuł da zbornika napisaŭ doktar fiłasofskich navuk Uładzimir Konan.
Vydańnie pastupiła u kniharni krainy, prybliznaja cana — 28 tys. rubloŭ.
Siarod zapłanavanych da vydańnia u sieryi — zborniki tvoraŭ Hienadzia Buraŭkina i Maksima Hareckaha.