Łukašenka nie pryjechaŭ u Baranavičy
Jon addaŭ pieravahu kansiervavamu zavodu ŭ Turavie. Kamientuje Siamion Piečanko.
Jon addaŭ pieravahu kansiervavamu zavodu ŭ Turavie. Kamientuje Siamion Piečanko.
«Kiraŭnik dziaržavy aznajomicca z chodam prac pa ŭborcy kukuruzy i novymi raspracoŭkami biełaruskich sielhasmašynabudaŭnikoŭ, a taksama naviedaje kansiervavy zavod u Turavie», – paviedamiła ŭčora ANT u vynikovym vypusku navinaŭ. Zdavałasia b, šarahovy siužet, zvykłyja pijar-inśpiekcyi paletkaŭ vakoł letniaj rezidencyi ŭ časie žniva. Kali b nie adna akaličnaść – pieršaj navinoj u tym načnym vypusku było paviedamleńnie pra prylot z Polščy vajskovaha samalota ź ciełami biełaruskich piłotaŭ.
U Baranavičach polski hienierał nazyvaje našych lotčykaŭ hierojami, a ŭ Turavie Łukašenka vykazvaje niezadavolenaść pracaj kansiervavaha zavodu. Kiraŭnik dziaržavy niekalki razoŭ na hod prymiaraje vajskovy mundzir, a nie pryjechaŭ 3 vieraśnia na raźvitańnie z baranavickimi piłotami.
Možna zdahadvacca ab pryčynach takoha ihnaravańnia. Heta taki svojeasablivy kłopat pra ŭłasny imidž – unikać atajesamleńnia ŭłasnaj asoby z trahiedyjami. U lubym vypadku, takija pavodziny kiraŭnika Biełarusi rezka kantrastujuć ź dziejańniami jahonych zamiežnych kalehaŭ u padobnych situacyjach. Ciažka ŭjavić sabie Nikala Sarkazi, jaki b u taki momant pajechaŭ inśpiektavać vinahradniki ci vinzavodzik niedzie pobač ź Pireniejami.