Maryjo Drahi: Ja nie pabačyŭ nijakich prykmiet taho, kab rasijski bok imknuŭsia da miru
Premjer-ministr Italii paśla telefonnaj razmovy z Uładzimiram Pucinym nie pabačyŭ u taho nijakich prykmiet taho, kab jon chacieŭ miru, paviedamlaje ahienctva ANSA.
Marya Drahi
«Ja nie bačyŭ nadziei na mir padčas telefonnaj razmovy z prezidentam Rasii Pucinym. Ja šukaŭ razmovy z prezidentam Pucinym: metaj było spytać, ci možna niešta zrabić, kab razbłakavać zbožža, jakoje ciapier znachodzicca na składach va Ukrainie, tamu što charčovy kryzis, jaki nabližajecca i ŭžo jość u niekatorych afrykanskich krainach, budzie mieć hihanckija maštaby i žudasnyja humanitarnyja nastupstvy», — raskazaŭ Drahi.
Padčas telefonnaj razmovy Drahi z Pucinym prezident Rasii padkreśliŭ, što «charčovy kryzis źjaŭlajecca nastupstvam sankcyj i jašče, kali sankcyi buduć źniatyja, mienavita Rasija zmoža ekspartavać zbožža».
«Ale vidavočna, što sankcyi ŭviedzienyja tamu, što Rasija napała na Ukrainu», — skazaŭ Drahi.