Pientahon: Rasija straciła 1000 tankaŭ i 350 harmat, ale ŭsio roŭna maje pieravahu ŭ technicy
Vysokapastaŭleny čynoŭnik Ministerstva abarony ZŠA skazaŭ u čaćvier žurnalistam, što, pa acency amierykancaŭ, Rasija straciła va Ukrainie kala 1000 tankaŭ, kala 350 artyleryjskich sistem, bolš za 30 samalotaŭ i bolš za 50 viertalotaŭ, ale ŭsio roŭna maje vialikaje pieravaha pierad Ukrainaj u technicy i žyvoj sile, piša Bi-bi-si.
«Jany kinuli ŭ hetuju bitvu žudasna šmat techniki i asabistaha składu, i ŭkraincy niasuć straty, i ruskija niasuć straty […] Ruskija, sapraŭdy, majuć pieravahu ŭ častcy ludskich resursaŭ, techniki i zbroi, treba prosta mieć heta na ŭvazie», — cytuje hetaha čynoŭnika telekampanija CNN.
Pa słovach pradstaŭnika Pientahona, ciapier va Ukrainie dziejničajuć 110 rasijskich bataljonaŭ — taktyčnych hrup, i rasijanie zmahli prasunucca ŭ kirunku Słavianska i Kramatorska.
Hienštab Uzbrojenych siłaŭ Ukrainy śćviardžaje, što z pačatku vajny Rasija straciła 1315 tankaŭ, bolš za 800 harmat i rakietnych sistem załpavaha ahniu, 206 samalotaŭ i 170 viertalotaŭ.