U Polščy buduć sudzić mužčynu za supracoŭnictva ź biełaruskim KDB
U Polščy buduć sudzić byłoha supracoŭnika siłavych orhanaŭ pa abvinavačvańni ŭ supracoŭnictvie ź biełaruskim KDB. Mazavieckaje adździaleńnie ŭpraŭleńnia pa baraćbie z arhanizavanaj złačynnaściu i karupcyjaj Nacyjanalnaj prakuratury pieradało spravu ŭ Akruhovy sud u Varšavie.
Pra heta paviedamiŭ pres-sakratar ministra-kaardynatara śpiecsłužbaŭ Polščy Stanisłaŭ Žaryn, piša reform.by.
Hžehaž M. abvinavačvajecca ŭ supracoŭnictvie ź biełaruskim KDB i sprobie pieradać danyja, raskryćcio jakich moža nanieści škodu Polščy. Jon byŭ zatrymany ŭ kastryčniku minułaha hoda. Paviedamlałasia, što mužčyna raniej źjaŭlaŭsia supracoŭnikam siłavych orhanaŭ krainy. U vaśmidziesiatych jon słužyŭ u śpiecnazie polskaj milicyi ZOMO, zatym u palicyi, słužbu pakinuŭ u 2001 hodzie ŭ jakaści aficera pamiežnaj słužby.
Akramia supracoŭnictva ź biełaruskim KDB, abvinavačanamu inkryminujecca zachoŭvańnie bojeprypasaŭ bieź nieabchodnaha dazvołu. Mužčyna zastajecca pad vartaj.