Prypyniajuć pracu ŭ Biełarusi vizavyja centry Estonii
Pra časovaje prypynieńnie pracy vizavych centraŭ Estonii ŭ Biełarusi paviedamiŭ vizavy pasiarednik VFS Global.
U estonskich vizavych centrach možna było padać dakumienty na estonskuju, finskuju ci šviedskuju šenhienskuju vizu.
Z 14 červienia pracu časova spyniać vizavyja centry ŭ Baranavičach, Breście, Viciebsku, Homieli, Hrodnie, Lidzie, Mahilovie i Pinsku. A z 15 červienia zakryjecca centr u Minsku.
Ale pierapynak maje być tolki časovym, jon praciahniecca try tydni. Adnavić pryjom dakumientaŭ na šenhienskuju vizu ŭ vizavych centrach Estonii płanujecca 5 lipienia.