UEFA vyrašyŭ raźvieści kamandy ź Biełarusi i Ukrainy pry losavańni
Vykanaŭčy kamitet UEFA pryniaŭ rašeńnie nie stavić kamandy ź Biełarusi i Ukrainy adna suprać adnoj pry losavańni na svaich turnirach, paviedamlajecca na sajcie sajuza.
Fota ilustracyjnaje
Hetaje rašeńnie arhanizacyja pryniała dla «zabieśpiačeńnia bieśpierabojnaha praviadzieńnia spabornictvaŭ UEFA», pakolki «biaśpieka kamand, aficyjnych asob i inšych udzielnikaŭ nie moža być całkam harantavanaja z-za najaŭnaści vajennaha kanfliktu».
Vykanaŭčy kamitet UEFA budzie sačyć za situacyjaj pa miery jaje raźvićcia i prymać dalejšyja rašeńni pry nieabchodnaści.
Raniej UEFA abaviazaŭ biełaruskuju zbornuju i kłuby, jakija ŭdzielničajuć u turnirach arhanizacyi, pravodzić chatnija matčy na niejtralnych stadyjonach. Hledačam zabaroniena prysutničać na matčach, u jakich kamandy ź Biełarusi vystupajuć u jakaści haspadaroŭ.