Abituryjenty BDU zmohuć padać dakumienty adnačasova na śpiecyjalnaści roznych fakultetaŭ, ale jość niuansy
U BDU zapuścili piłotnuju inicyjatyvu, u ramkach jakoj abituryjenty zmohuć adnačasova padać dakumienty na śpiecyjalnaści roznych fakultetaŭ.
Inicyjatyva stała mahčymaja za košt abnoŭlenaha funkcyjanału asabistaha kabinieta abituryjenta, ale pakul tyčycca tolki dźviuch hrup śpiecyjalnaściaŭ matematyčnaha i fizičnaha profilaŭ, paviedamlajecca na sajcie VNU.
Dla jakich śpiecyjalnaściaŭ hetaja mahčymaść dastupnaja.
U skład pieršaj hrupy ŭvajšli fakultety prykładnoj matematyki i infarmatyki, a taksama miechanika-matematyčny i sumiesny instytut BDU i Dalańskaha politechničnaha ŭniviersiteta.
Da druhoj hrupy adnosiacca śpiecyjalnaści fakultetaŭ radyjofiziki i kampjutarnych technałohij, fizičnaha, Mižnarodnaha dziaržaŭnaha ekałahičnaha instytuta imia Sacharava i sumiesnaha instytuta BDU i Dalańskaha politechničnaha ŭniviersiteta.
Paviedamlajecca, što padčas elektronnaj padačy dakumientaŭ abituryjent pavinien ukazać pryjarytetnyja dla jaho śpiecyjalnaści abranaj hrupy fakultetaŭ. U dalejšym, kali jon nie prachodzić na śpiecyjalnaść abranaha fakulteta, aŭtamatyzavanaja sistema prapanuje jamu inšuju śpiecyjalnaść ź jaho śpisu pryjarytetaŭ.
Kali heta śpiecyjalnaść inšaha fakulteta, to dakumienty buduć pieranakiravanyja supracoŭnikami techničnaha sakrataryjata pry ŭmovie, što vybar prachodzić u ramkach adnoj hrupy, i abituryjentu nie pryjdziecca ŭručnuju ich pieranakiroŭvać u sakrataryjat inšych fakultetaŭ.