U Minsku padrychtavali plažy da kupalnaha siezonu
U hetym siezonie ŭ Minsku budzie pracavać 21 plaž na 5 rekreacyjnych zonach: «Zasłaŭskaje» — 8 plažaŭ (№ 1, 2, 3, 4, 5, 6, 8, 9), «Krynica» — 2 plažy (№ 3, 4), «Drazdy» — 5 plažaŭ (№ 2, 5, 6, 7, 8), «Cnianskaje» — 5 plažaŭ (№ 1, 2, 3, 4, 5), «Kamsamolskaje voziera» — 1 plaž (№ 1), paviedamlaje Minski haradski centr hihijeny i epidemijałohii.
Plaž na Kamsamolskim voziery. Fota: Vikipiedyja
Pradpryjemstvy i arhanizacyi, zamacavanyja za terytoryjami, praviali ŭborku plažaŭ i lesaparkavych zonaŭ. Praviedziena ačystka dna, zrobleny ramont plažnaha abstalavańnia, abstalavanyja spartyŭnyja i dziciačyja placoŭki, ustanoŭlenyja šezłonhi, altanki, łaŭki, kabiny dla pieraapranańnia, cieniavyja naviesy, dušavyja ŭstanoŭki, pavialičanaja kolkaść skryniaŭ, hramadskich prybiralniaŭ.
U ramkach padrychtoŭki da kupalnaha siezonu adabranyja proby vady dla łabaratornych daśledavańniaŭ, terytoryi plažaŭ apracavanyja ad klaščoŭ.