«U suviazi sa stabilizacyjaj epidemijałahičnaj abstanoŭki». U miescach źniavoleńnia bolš nie prymajuć vitaminnych pieradač
Pa infarmacyi pravaabaroncaŭ, ad 1 červienia ŭ SIZA-1, mahiloŭskaj turmie №4, i ŭ papraŭčych kałonijach pierastajuć prymać karancinnyja pieradačy, jakija viaźniam možna było pieradavać kožny miesiac u jakaści «dadatkovych», paviedamlaje «Viasna».
Vierahodna, heta tyčycca ŭsich miescaŭ źniavoleńnia. Źviazana heta sa «stabilizacyjaj situacyi pa zachvorvańni na COVID-19».
Karancinnaja pieradača — sadavinava-aharodninnaja pieradača da 10 kh, jakaja amal dva hady była dazvolenaja jak dla ŭžo asudžanych, tak i dla tych, chto jašče nie asudžany, ci prysud nie ŭstupiŭ u siłu.
Jaje možna było pieradavać adzin raz u 30 dzion i kłaści tolki apielsiny, limony, jabłyki, cybulu, časnok.
Kali viaźniaŭ u jakaści spahnańnia pazbaŭlali dazvolenych pieradač, to hetaj pazbavić nie mahli.