ES uchvaliŭ šosty pakiet sankcyj suprać Rasii. Patryjarch Kirył nie ŭvajšoŭ
Jeŭrasajuz uchvaliŭ šosty pakiet sankcyj suprać Rasii, paviedamlaje ŭ twitter žurnalist RFE/RL Rykard Joźviak. Pavodle jaho infarmacyi, publikacyja ŭ aficyjnym časopisie čakajecca zaŭtra.
«Šosty pakiet sankcyj ES suprać Rasii ŭchvaleny pasłami ES. Patryjarch Kirył nie ŭvajšoŭ. Pavinna być u aficyjnym časopisie ES zaŭtra», — napisaŭ jon.
Pavodle źviestak Bloomberg, Rasija niedaatrymaje kala 22 młrd dalaraŭ naftavych dachodaŭ za hod, kali ŭ novy pakiet sankcyj uvojdzie častkovaje naftavaje embarha. Kala 12 młrd dalaraŭ dasiahnuć straty ad admovy ad trubapravodnych pastavak u Paŭnočnuju Jeŭropu, 10 młrd dalaraŭ — ad zabarony na marski ekspart nafty.