«Damahlisia peŭnych vynikaŭ»: Kreml prakamientavaŭ 100 dzion vajny va Ukrainie
Pa słovach Piaskova, za 100 dzion «śpiecapieracyi» va Ukrainie rasijskim vojskam udałosia vyzvalić mnostva nasielenych punktaŭ i damahčysia peŭnych vynikaŭ u abaronie nasielnictva Danbasa.
Fota: TASS
Pa vynikach 100 dzion z pačatku śpiecapieracyi va Ukrainie ŭdałosia damahčysia peŭnych vynikaŭ u abaronie nasielnictva Danbasa i viartańnia hramadzian da mirnaha žyćcia, zajaviŭ pres-sakratar prezidenta Dźmitryj Piaskoŭ, piša RBK.
«Apieracyja maje svajoj asnoŭnaj hałoŭnaj metaj abaronu ludziej u «Danieckaj Narodnaj Respublicy» i «Łuhanskaj Narodnaj Respublicy». U płanie zabieśpiačeńnia i abarony prymajucca miery, dasiahnutyja peŭnyja vyniki», — skazaŭ Piaskoŭ, adkazvajučy na pytańnie pra toje, čaho ŭdałosia damahčysia za 100 dzion.
Pavodle jaho słoŭ, za hety čas ad «pa-pranacyscku nastrojenych sił US Ukrainy i nacysckich sił» vyzvalenyja mnohija nasielenyja punkty, zabiaśpiečanaja mahčymaść ludziej viarnucca da mirnaha žyćcia. «Hetaja praca budzie praciahvacca da taho času, pakul mety SVA nie buduć dasiahnutyja. <…> Kožny dzień viadzieńnia SVA dadaje novy vopyt, i, viadoma, jon vykarystoŭvajecca padčas praciahu hetaj apieracyi», — dadaŭ pradstaŭnik prezidenta Rasii.