U Čornym mory kala Adesy padarvaŭsia čałaviek, praihnaravaŭšy papiaredžańni pra zaminiravańnie
Ukrainskaja armija paviedamiła ŭčora pra hibiel mirnaha žychara, jaki padarvaŭsia na nieviadomym pradmiecie na ŭźbiarežžy Čornaha mora niepadalok ad Adesy.
Mina ŭ mory. Fota ilustracyjnaje
«Siamja, niahledziačy na zabaronu, pryjšła adpačyvać na ŭźbiarežža. Pakul maci z synam raskładali rečy, baćka vyrašyŭ zamierać hłybiniu i tempieraturu vady, — skazana ŭ paviedamleńni apieratyŭnaha kamandavańnia «Poŭdzień». — Praź niekalki chvilin u vadzie prahučaŭ vybuch, mužčyna atrymaŭ ranieńni, niesumiaščalnyja z žyćciom».
Vajskoŭcy zaklikajuć žycharoŭ Adesy i haściej horada nie ihnaravać papiaredžańniaŭ i ŭviedzienuju ŭładami kateharyčnuju zabaronu naviedvać uźbiarežžy zaminiravanaha mora i kupacca ŭ im.
U suviazi ź incydentam vielmi emacyjny zvarot da hramadzian zapisaŭ kiraŭnik Adeskaj abłasnoj vajennaj administracyi Siarhiej Bratčuk. Jon źviarnuŭ uvahu, što ŭ mory rasstaŭlenyja miny dla taho, kab abciažaryć vysadku rasijskaha desantu i što pra heta hramadzianie šmat razoŭ papiaredžvalisia. Ale niekatoryja ŭsio adno, maŭlaŭ, šukajuć na plažach Adeskaj vobłaści premiju Darvina.