U Branskaj vobłaści Rasii zajavili pra abstreł vajskovaj čaści
Hubiernatar Branskaj vobłaści Rasii Alaksandr Bahamaz zajaviŭ pra abstreł vioski Zajmišča pad Klincami. U hetym pasieliščy raźmiaščajecca vialikaja vajennaja čaść.
«Siońnia adbyŭsia abstreł terytoryi vioski Zajmišča haradskoj akruhi Klincy. Paškodžana niekalki žyłych damoŭ. Pa papiaredniaj infarmacyi, paranienyja čatyry čałavieki. Im akazvajecca ŭsiebakovaja miedycynskaja dapamoha».
Hubiernatar paviedamiŭ, što na miescy pracujuć apieratyŭnyja słužby.
Telehram-kanał «Ostorožno, novosti» sa spasyłkaj na miascovych žycharoŭ paviedamlaje, što ŭ horadzie Klincy — «vybuch i pažar, a ŭ niebie lotajuć viertaloty», u horadzie niama śviatła i vady.
Klincy znachodziacca za 50 kiłamietraŭ ad miažy z Ukrainaj.