U Kijevie aryštavali aktyvy biełaruskaha pradpryjemstva na $135 młn
Aryštavali karparatyŭnyja pravy pradpryjemstva-rezidenta RB u vyhladzie statutnaha kapitału ŭ pamiery amal 1 młrd hrn ($33,8 młn), a taksama ruchomuju i nieruchomuju majomaść prykładnaj vartaściu ŭ 3 młrd hrn ($101,2 młn).
Akruhovaja prakuratura pravodzić kryminalnuju vytvorčaść pa faktach finansavańnia dziejańniaŭ, učynienych z metaj hvałtoŭnaha źmianieńnia kanstytucyjnaha ładu abo zachopu dziaržaŭnaj ułady, źmieny hranic terytoryi abo dziaržaŭnaj hranicy Ukrainy i złoŭžyvańnia ŭładaj jurydyčnaj asobaj.
Śledstva praviaraje, ci sadziejničała biełaruskaja kampanija, jakaja akazvaje pasłuhi ŭ halinie nafty i pryrodnaha hazu i vykarystoŭvała techniku «Biełarusnafty», Rasii padčas padrychtoŭki i viadzieńnia ahresiŭnaj vajny suprać Ukrainy.