Žycharu Pinska dali dva hady kałonii za zdymku rasijskaha samalota
U Bresckim abłasnym sudzie vynieśli prysud pa kryminalnaj spravie ŭ dačynieńni da 23-hadovaha žychara Pinska Kanstancina Bajsarava. U vinu jamu staviłasia toje, što 27 lutaha 2022 hoda dasłaŭ u tielehram-bot videa vajskovaha samalota, piša «Viasna».
Dziejańni Bajsarava kvalifikavali pa č. 1 art. 361-4 KK RB (sadziejničańnie ekstremisckaj dziejnaści).
Sud nad Kanstancinam prachodziŭ 14 i 28 červienia. Pryčym pasiadžeńnie 14 červienia prachodziła (paŭ)tajemna: na tabło ŭ budynku suda jano nie było paznačana.
Skončyŭsia praces 1 lipienia vyniasieńniem prysudu: 2 hady kałonii ahulnaha režymu. Sudździa pastanaviŭ uziać Bajsarava pad vartu ŭ zale suda.
Sudździoj byŭ Andrej Leščanka, prakuroram Alaksiej Jarošyk.