Va Ukrainie aryštavali bolš za 300 vahonaŭ ź biełaruskimi i rasijskimi ŭhnajeńniami
Hienprakuratura Ukrainy paviedamiła pra aryšt 315-ci vahonaŭ ź minieralnymi ŭhnajeńniami, jakija naležać biełaruskim i rasijskim kampanijam. Ahulny košt aryštavanaha tavaru — kala 12 miljonaŭ dalaraŭ.
U viedamstvie śćviardžajuć, što vahony zajechali i vykarystoŭvalisia va Ukrainie, z parušeńniem mytnaha zakanadaŭstva.
«U metach zachavańnia hetaj majomaści ŭ jakaści rečavych dokazaŭ i jaje mahčymaj kanfiskacyi ŭ dalejšym Hienieralnaja prakuratura na padstavie rašeńniaŭ śledčych sudździaŭ Šaŭčenkaŭskaha rajsuda Kijeva nakłała aryšt», — rapartuje pres-słužba viedamstva.
Ciapier biuro ekanamičnaj biaśpieki Ukrainy pravodzić dasudovaje rasśledavańnie ab naŭmysnym uchileńni ad vypłaty padatkaŭ u asabliva bujnym pamiery.