U Bresckaj vobłaści źniali zabaronu na naviedvańnie lasoŭ
Va ŭsich rajonach Bresckaj vobłaści źniali zabaronu na naviedvańnie lasoŭ, paviedamlaje Ministerstva lasnoj haspadarki.
Čyrvonym paznačanyja rajony, dzie dziejničaje zabarona na naviedvańnie, žoŭtym — abmiežavańni. Karta Minlashas
Praŭda, u Małaryckim, Ivanaŭskim, Pinskim i Stolinskim rajonach zachoŭvajucca niekatoryja abmiežavańni.
Ludziam dazvalajecca adzinočnaje znachodžańnie ŭ lesie dla zboru jahad, ale nielha razvodzić vohniščy, pravodzić pracy, nie źviazanyja ź viadzieńniem lasnoj haspadarki, arhanizoŭvać masavyja mierapryjemstvy, zajazdžać na terytoryi lasnoha fondu na transpartnych srodkach.
U Minskaj vobłaści zabarona dziejničaje ŭ Minskim, Dziaržynskim, Staŭbcoŭskim, Salihorskim, Słuckim i Lubanskim rajonach.
U Homielskaj vobłaści zabarona na naviedvańnie lasoŭ dziejničaje ŭ 15 rajonach.
U Ministerstvie lasnoj haspadarki tłumačać uviadzieńnie zabaronaŭ vysokim uzroŭniem pažaraniebiaśpieki z-za śpioki i zasuchi.