Minzdaroŭja ŭpieršyniu za doŭhi čas apublikavała statystyku pa kavidzie
Źviestki nie publikavalisia z maja, kali infarmacyja padavałasia štodzionna.
Tady viedamstva paviedamlała, što statystyka budzie publikavacca raz na miesiac.
Z pačatku maja ŭ krainie stabilizavałasia situacyja pa zachvorvańni na COVID-19. Jak i mierkavali infiekcyjanisty i epidemijołahi, źnižeńniu kolkaści pacyjentaŭ paspryjała, u tym liku, aktyŭnaja vakcynacyja i revakcynacyja darosłaha i dziciačaha (z 12-ci hadoŭ) nasielnictva.
Ciapier Minzdaroŭja daje ahulnyja ličby. Z pačatku pandemii zarehistravanyja 994 tysiač 037 čałaviek sa stanoŭčym testam na COVID-19. Pa stanie na 1 lipienia vyzdaravieli 985592 čałavieki. Pamierli 7118 čałaviek.
Usiaho ŭ krainie praviedzieny 13 młn. 646 tys. 641 test.
Minzdaroŭja dadaje, što, mahčyma, da vosieni infiekcyja COVID-19 na terytoryi Respubliki Biełaruś piarojdzie ŭ niepandemičnuju, siezonnuju fazu. Heta aznačaje, što zachvorvańnie COVID-19 budzie rehistravacca, jak VRVI i hryp — vosieńniu i zimoj.