Ceśler padzialiŭsia, jakuju z ułasnych prac ličyć najbolš emacyjna składanaj
Suśvietnyja dni biełaruskaj kultury adkrylisia 7 lipienia ŭ Vilni vystavaj płakatnych prac Uładzimira Ceślera. Na adkryćci prysutničała Śviatłana Cichanoŭskaja sa svajoj kamandaj dy pradstaŭniki vilenskaj meryi, a zaviaršyŭsia viečar hučnaj «Pahoniaj» u supolnym vykanańni mužčynskaha choru «Unija» i naviednikaŭ.
Fota tut i dalej: Anton Turkoŭ
Taksama ŭ žyvym efiry pavitaŭ hledačoŭ vystavy i sam Uładzimir Ceśler, jaki ščyra adkazaŭ na pytańnie: «Jakaja z vašych prac dla vas najbolš emacyjna składanaja?». Tvorca nazvaŭ rabotu Loading.
Praca Ceślera Loading
Ekspazicyja praciahniecca na Ratušnaj płoščy da 31 lipienia ŭklučna.
Dałučycca da imprez u miežach Dzion biełaruskaj kultury možna ŭ roznych haradach. Naprykład, u Vilni ciaham lipienia buduć pakazvać biełaruskija śpiektakli, stvarać pierformansy, padavać draniki z kvasam pa śpiecyjalnaj canie (dy kocikaŭ bonusam) i navat nalivać bčb-šoty ŭsiaho za €3. Vy možacie pahladzieć poŭnuju mapu padziej i dadać svoj ivent.