ŚMI: Hurt «Bi-2» aśvistali na vystupie paśla matča za Supierkubak u Pieciarburhu
Frontmien kalektyvu Lova vyjšaŭ na pole ŭ čyrvona-biełym šaliku (heta firmovyja kolery maskoŭskaha «Spartaka», ale nie tolki). Muzyki vykanali try pieśni, piša pieciarburhskaje vydańnie «Bumaha».
Praŭładnyja vydańni raźmiaścili naviny, što zaŭziatary aśvistali «Bi-2». Choć na videa čuvać, što akramia śvistu z trybun taksama danosilisia apładysmienty.
U «patryjatyčnych» pablikach taksama apublikavali padobnyja pasty, napisaŭšy, što «heta [vystup] uzhadniŭ Biahłoŭ».
Pieršapačatkova na matčy za Supierkubak u Pieciarburhu pavinien byŭ śpiavać hurt «Leninhrad», ale vystup ź nieviadomych pryčyn admianili.
Paśla taho jak arhanizatary pryniali rašeńnie paklikać hurt «Bi-2», nibyta zaniesieny ŭ «čorny śpis» artystaŭ, ich, a taksama muzykaŭ, pačali ckavać u Z-pablikach.