U Paleskim radyjacyjnym zapaviedniku na miažy z Ukrainaj chočuć pracierabić šyračeznyja prasieki
Biełaruskija ŭłady za hrošy «Sajuznaj dziaržavy» chočuć pakryć Paleski radyjacyjna-ekałahičny zapaviednik sietkaj prasiek, paviedamlaje vydańnie «Fłahštok». Abjaŭleny tendar praduhledžvaje vysiakańnie dreŭ dla arhanizacyi 104 kiłamietraŭ prasiek šyrynioj pa 100 mietraŭ da kanca 2022 hoda.
Košt rabot akreśleny ŭ 680 000 dalaraŭ. Aficyjna zajaŭlenaja pryčyna rabot — «źnižeńnie ryzyk transhraničnych pieranosaŭ radyjeaktyŭnych elemientaŭ pry nadzvyčajnych situacyjach na radyjeaktyŭna zabrudžanych terytoryjach dziaržaŭ — udzielnic Sajuznaj dziaržavy i pavyšeńnie apieratyŭnaści pry ich likvidacyi».