Dačka Pucina zojmiecca impartazamiaščeńniem
Kiraŭnik fondu «Inapraktyka» Kaciaryna Cichanava stała sustaršynioj kaardynacyjnaha savieta pa impartazamiaščeńni pry rasijskim Sajuzie pramysłoŭcaŭ i pradprymalnikaŭ (RSPP).
Skrynšot videa intervju Cichanavaj kanału «Rasija 24»
Jak zajavili ŭ pres-słužbie arhanizacyi, saviet stvorany dla kaardynacyi dziejnaści orhanaŭ RSPP pa pytańniach impartazamiaščeńnia, abahulnieńnia paśpiachovych praktyk zamiaščeńnia impartnaha abstalavańnia, stvareńnia ličbavych servisaŭ dla padtrymki impartazamiaščeńnia i farmavańnia zakanadaŭčych inicyjatyŭ.
Kaciaryna Cichanava zajmaje pasadu namieśnika dyrektara Instytuta matematyčnych daśledavańniaŭ składanych sistem MDU i kiruje fondam «Nacyjanalnaje intelektualnaje raźvićcio», sumiaščajučy hetuju pasadu z pasadaj kiraŭnika centra Nacyjanalnaha intelektualnaha reziervu (CNIR, padraździaleńnie MDU). Abiedźvie struktury pracujuć pad brendam «Inapraktyka».