Kiraŭnik CRU nazvaŭ Pucina «zanadta zdarovym»
«Chodzić šmat čutak pra zdaroŭje prezidenta Pucina, ale, nakolki my možam sudzić, jon zanadta zdarovy», — skazaŭ Uiljam Biorns padčas vystupu na forumie biaśpieki ŭ Aśpienie. Pry hetym jon dadaŭ, što jaho słovy — heta nie aficyjnaja acenka raźviedki.
Biorns dadaŭ, što płany rasijskaha prezidenta pa ŭvarvańni va Ukrainu byli zasnavanyja na «hłyboka pamyłkovych zdahadkach i iluzijach». Jak śćviardžaje dyrektar CRU, jaki raniej pracavaŭ pasłom u Maskvie, jon čuŭ, jak Pucin u pryvatnych razmovach kazaŭ, što Ukraina — heta nie sapraŭdnaja kraina.
Padčas apošniaha vizitu ŭ Tehieran Pucin zaŭvažna kulhaŭ i kašlaŭ. Paśla jon skardziŭsia žurnalistam na śpioku i kandycyjanier.
Zdaroŭje prezidenta Rasii vyklikaje šmat roznych pytańniaŭ i abmiarkoŭvajecca žurnalistami.