Nacbank Ukrainy devalvavaŭ hryŭniu na 25 pracentaŭ
Nacyjanalny bank Ukrainy skarektavaŭ aficyjny kurs hryŭni da dalara ZŠA na 25% da 36,5686 hryŭni za dalar.
U rehulatary rastłumačyli, što taki krok dazvolić pavialičyć kankurentazdolnaść ukrainskich vytvorcaŭ, zblizić kursavyja ŭmovy dla roznych hrup biźniesu i nasielnictva i padtrymać ustojlivaść ekanomiki va ŭmovach vajny.
Pry hetym, aficyjny kurs hryŭni da dalara ZŠA i ŭ dalejšym źjaŭlajecca fiksavanym.
«Va ŭmovach vysokaj niavyznačanaści, abumoŭlenaj vajnoj, fiksavany aficyjny kurs da dalara ZŠA źjaŭlajecca asnoŭnym jakaram stabilizacyi čakańniaŭ i klučavym srodkam vykanańnia pryjarytetnych metaŭ NBU. Jany zaklučajucca ŭ zabieśpiačeńni cenavaj i finansavaj stabilnaści, što źjaŭlajecca važnaj pieradumovaj adnaŭleńnia ekanomiki», — zajaŭlajuć u NBU.
Na pačatku vajny NBU zafiksavaŭ kurs hryŭni na ŭzroŭni 29,25 hrn za 1 dalar.
Piać miesiacaŭ vajny Ukrainie ŭdavałasia trymać kurs hryŭni na hetym uzroŭni. Analityki bačyli ŭ hetym prajavu siły ŭkrainskaj finansavaj sistemy.