Biełarusy skardziacca na prablemy z zamovami na Aliexpress
abnoŭlena
Pačynajučy z druhoj pałovy minułaha tydnia pastupajuć skarhi ad karystalnikaŭ Aliexpress: placoŭka, mahčyma, spyniła adpraŭku tavaraŭ u Biełaruś. Jašče na vychadnych pakupki možna było aformić, zakazaŭšy dastaŭku ŭ našu krainu, adnak takaja mahčymaść pastupova źnikała — vierahodna, pa miery abnaŭleńnia siervieraŭ servisu, paviedamlaje Onliner.by.
U ciapierašni čas karystalniki, jakija sprabujuć dadać tavar u košyk, vybraŭšy Biełaruś u jakaści krainy dastaŭki, bačać paviedamleńnie pra niemahčymaść vykanać zakaz: «Tavar nie moža być dastaŭleny ŭ Belarus».
U toj ža čas, kali ihnaravać nadpis, praces zamovy i apłaty prachodzić. Pakul, praŭda, niezrazumieła, ci budzie adpraŭleny i dastaŭleny tavar.
Nijakich aficyjnych zajavaŭ z boku Aliexpress z hetaj nahody da ciapierašniaha momantu zroblena nie było.
Abnoŭlena. Pres-słužba Aliexpress prakamientavała situacyiju:
«Dastaŭka zakazaŭ u Biełaruś ažyćciaŭlajecca ŭ zvyčajnym režymie i ŭ standartnyja terminy. Niekatoryja karystalniki mahli sutyknucca ź niapravilnym adlustravańniem statusu dastaŭki ŭ rehijon, ciapier heta ŭžo vypraŭlena.»