«Hazpram» abviaściŭ pra adklučeńnie jašče adnoj turbiny «Paŭnočnaha patoku». Abjom prapampoŭki hazu skarocicca da 20%
«Hazpram» vyvodzić z ekspłuatacyi jašče adzin hazaturbinny ruchavik «Paŭnočnaha patoku — 1», ustalavany na kampresarnaj stancyi «Partovaja», paviedamlaje «Interfaks».
Turbina spyniajecca «ŭ suviazi sa skančeńniem terminu mižramontnaj napracoŭki da kapitalnaha ramontu (u adpaviednaści z zahadam Rastechnahladu i z ulikam techničnaha stanu ruchavika)», zajavili ŭ «Hazpramie».
Z 27 lipienia, havorycca ŭ zajavie kancerna, sutačny abjom prapampoŭvańnia hazu składzie 33 miljony kubamietraŭ.
Heta aznačaje zahruzku na 20% ad płanavaj mahutnaści.