Baćka raspaŭsiudžvaŭ narkotyki, maci — porna. U Homieli paru pazbavili baćkoŭskich pravoŭ
Z zajavaj ab pazbaŭleńni žycharoŭ Homiela baćkoŭskich pravoŭ na dvuch małaletnich dziaciej u sud rajona źviarnułasia prakuratura horada, pišuć «Homielskija viedamaści».
Siamiejnaja para viała nienarmalny ład žyćcia: na maci siamiejstva była zaviedzienaja kryminalnaja sprava pa fakcie vyrabu i raspaŭsiudžvańnia parnahrafičnych materyjałaŭ ź niepaŭnaletnimi.
Baćka z 2020 hoda znachodzicca ŭ turmie: jon byŭ asudžany na 6 hadoŭ za niezakonnaje abaračeńnie narkatyčnych srodkaŭ, psichatropnych rečyvaŭ, ich prekursoraŭ i anałahaŭ.
Sud Čyhunačnaha rajona Homiela zadavoliŭ iskavyja patrabavańni prakurora horada i pazbaviŭ paru baćkoŭskich pravoŭ.