Zdabyča hazu ŭ Rasii abvaliłasia da minimumu za 14 hadoŭ
Zdabyča hazu «Hazpramam» da pačatku žniŭnia abvaliłasia da samaha nizkaha ŭzroŭniu jak minimum z 2008 hoda, adznačaje Bloomberg sa spasyłkaj na apieratyŭnuju statystyku kampanii.
U lipieni zdabyča «Hazprama» skłała 24 młrd kubamietraŭ, što na 36% nižej, čym na hod raniej.
Spad, jaki pačaŭsia viasnoj paśla prypynieńnia trubapravoda «Jamał-Jeŭropa» i adklučeńniem pastavak krainam, jakija admovilisia płacić pavodle schiemy «ŭ rublach», uzmacniajecca kožny miesiac: u krasaviku jon składaŭ 10% hod da hoda, u traŭni — 14%, u červieni — 30%.
Ekspart «Hazprama» ŭ lipieni skłaŭ tolki 6,4 młrd kubamietraŭ, a ŭ paraŭnańni z tym ža miesiacam 2021 hoda abvaliŭsia na 58%.