Na fiestyvali Viva Braslav zatrymali ŭdzielnika z tatuiroŭkaj Pahoni
Na muzyčnym fiestyvali Viva Braslav siłaviki zatrymali adnaho z naviedvalnikaŭ «za demanstracyju ekstremisckaj simvoliki», paviedamiŭ adzin z praŭładnych telehram-kanałaŭ. Pra heta piša «Miedyjazona».
Fota ilustracyjnaje
«Miedyjazona» znajšła staronku zatrymanaha ŭ sacsietkach — jaho zavuć Michaił Tarłoŭski.
Siłaviki nazyvajuć Tarłoŭskaha anarchistam i śćviardžajuć, što jon byŭ na fiestyvali biez majki, tamu byli bačnyja jaho tatuiroŭki, naprykład, simvał anarchizmu — litara «A» ŭ kruzie (litary «O»), a taksama hierb Pahonia.
Fiestyval Viva Braslav prachodziŭ 29-30 lipienia na voziery Dryviaty.