Naviedvańnie lasoŭ abmiežavali ŭ bolšaści rajonaŭ Biełarusi
Zabarony i abmiežavańni na naviedvańnie lasoŭ uviedzieny ŭ 62 rajonach Biełarusi. Ab hetym paviedamlajecca na sajcie Ministerstva lasnoj haspadarki.
Abmiežavańni ŭvodziacca z-za mocnaj śpioki. Jany zakranuli čatyry vobłaści. Hrodzienskaja «zakryta» całkam, Minskaja — amal usia, za vyklučeńniem Staŭbcoŭskaha, Łahojskaha i Miadzielskaha rajonaŭ.
U Bresckaj vobłaści pad abmiežavańni trapili dziesiać rajonaŭ. Na Homielščynie adkryty dla naviedvańnia lasy Homielskaha, Śvietłahorskaha, Buda-Kašaloŭskaha, Vietkaŭskaha i Dobrušskaha rajonaŭ.
U Mahiloŭskaj i Viciebskaj abłaściach lesu pakul što možna naviedvać svabodna.