Navukoŭcy vyśvietlili, kolki hadoŭ starym dubam la hrodzienskaha Novaha zamka
Adnamu z dreŭ 129 hadoŭ, a druhomu — 151, paviedamlajuć na sajcie Hrodzienskaha historyka-archieałahičnaha muzieja, piša Budzma.by.
Navukovyja supracoŭniki Instytuta ekśpierymientalnaj bataniki imia Vasila Kupreviča Nacyjanalnaj akademii navuk Biełarusi praviali acenku stanu raślin na terytoryi hrodzienskaha Novaha zamka i vyznačyli dakładny ŭzrost dreŭ. Abjektami daśledavańnia stali dva čareščatyja duby na paradnym dvary pierad budynkam pałaca.
Vyśvietliłasia, što adnamu dubu 129 hadoŭ, a druhomu — 151. «Adpaviedna, ich pasadzili ŭ 1893 i 1871 hadach. Tady zamak užo nie byŭ rezidencyjaj uładaroŭ, a vykonvaŭ funkcyi vajskovaha špitala carskaj armii», — adznačaje telehram-kanał Hrodna 11:27.
Hrodzienski historyka-archieałahičny muziej ustalavaŭ kala duboŭ infarmacyjnyja tablički, na jakich napisana vidavaja nazva i hod pasadki.
«Našy duby pieražyli I i II suśvietnyja vojny, strašny pažar 1944 hoda, a zaraz sustrakajuć naviedvalnikaŭ našaha muzieja», — adznačajecca na sajcie ŭstanovy.