BYPOL: U Łunincy zahinuŭ vajskoviec, mahčyma, samahubstva
Kanał byłych siłavikoŭ BYPOL paviedamlaje pra nadzvyčajnaje zdareńnie ŭ rocie achovy i absłuhoŭvańnia 250-ha asobnaha bataljona achovy i absłuhoŭvańnia štaba Zachodniaha apieratyŭnaha kamandavańnia (v/č 97035, punkt pastajannaj dysłakacyi — Hrodna).
Pavodle infarmacyi kanała, 8 žniŭnia kala horada Łuniniec pry źmienie pastoŭ achovy ŭ 17 hadzin vyjaviłasia adsutnaść maładoha vajskoŭca kantraktnaj słužby.
Jaho cieła sa śmiarotnym ahniastrelnym ranieńniem hałavy znojdzienaje ŭ 18:30 u lesie padčas arhanizavanaha pošuku.
Pavodle BYPOL, vajskovaja častka znachodziłasia pa-za punktam pastajannaj dysłakacyi ŭ suviazi z vučeńniami.
BYPOL piša, što heta ŭžo piataja achviara padčas vučeńniaŭ za apošnija niekalki miesiacaŭ.