Biełarusy nie voźmuć udziełu ŭ čempijanacie Jeŭropy pa lohkaj atletycy
Usiaho za łaŭry pieramožcaŭ pazmahajucca 1540 spartsmienaŭ, ale biełarusaŭ siarod ich nie budzie. Pra heta śviedčyć śpis udzielnikaŭ spabornictvaŭ, raźmieščany ŭ adkrytym dostupie na aficyjnym sajcie Jeŭrapiejskaj lohkaatletyčnaj asacyjacyi.
Fota: sportedu.by
Napiaredadni Ivan Cichan, kiraŭnik Biełaruskaj fiederacyi lohkaj atletyki, kazaŭ pra toje, što Biełaruś nie pakidaje sprobaŭ trapić na čempijanat. Na adras Jeŭrapiejskaj asacyjacyi lohkaj atletyki byŭ nakiravany list z prośbaj uklučyć u śpis udzielnikaŭ i biełaruskich atletaŭ, jakija, jak i rasijanie, adchilenyja z-za padziej va Ukrainie. Pa słovach Cichana, adkaz pavinien pryjści ŭ najbližejšy čas.
Ci dačakałasia BFŁA aficyjnaha adkazu, pakul nieviadoma. Adnak śpis, vystaŭleny na sajcie mižnarodnaj fiederacyi, śviedčyć pra toje, što biełarusaŭ usio ž vyrašyli pakinuć za bortam spabornictvaŭ.