Architektara Alaksandra Kucharenku adpravili na «sutki» za repost videa pra Bandarenku
34-hadovaha architektara i muzyku zatrymali 2 žniŭnia ŭ Minsku.
Padstavaj staŭ repost Ukantakcie videa z youtube-kanała «ByPol» z nazvaj «Roman Bondarienko. Hienprokuratura skryvajet ispołnitielej ubijstva». U pratakole paznačana, što repost byŭ vyjaŭleny padčas pravierki infarmacyi paśla paviedamleńnia pra heta z HUBAZiKa.
Spravu mužčyny razhladzieli 4 žniŭnia ŭ sudzie Maskoŭskaha rajona Minska. Alaksandr na sudzie pryznaŭ svaju vinu i paćvierdziŭ, što ŭ vieraśni 2021 hoda raźmiaściŭ spasyłku na ByPol i nie vydaliŭ jaje paśla taho, jak kanał pryznali «ekstremisckim».
U vyniku sudździa Taćciana Motyl pryznała Kucharenku vinavatym pavodle art. 19.11 KaAP (raspaŭsiudžvańnie ekstremisckich materyjałaŭ) i aryštavała jaho na 10 sutak.