Rasijanie nanieśli ŭdar pa vajskovym aeradromie ŭ Žytomirskaj vobłaści z terytoryi Biełarusi
Rasijskija vojski nanieśli ŭdar pa vajskovym aeradromie ŭ Žytomirskaj vobłaści z terytoryi Biełarusi, zajavili ŭ kamandavańni Pavietranych sił Ukrainy «Centr».
Fota ilustracyjnaje
Jak śćviardžajuć ukrainskija vajskoŭcy, dniom 16 žniŭnia rasijskija vajskovyja samaloty (jak miarkujecca, źniščalniki-bambaviki Su-34) vylecieli z terytoryi Biełarusi i, «sprabujučy zamaskiravać avijacyjnuju aktyŭnaść pad trenirovačnyja paloty», vypuścili dźvie rakiety X-59.
U vyniku patraplańnia paškodžanyja ŭźlotna-pasadačnaja pałasa i niekalki adzinak aŭtamabilnaj techniki. Asabovy skład znachodziŭsia ŭ schoviščy, tamu nie paciarpieŭ, zajavili ŭ kamandavańni «Centr».