Mytniki znajšli 1000 dalaraŭ u šakaładnaj cukiercy, jakuju adpravili ŭ Novuju Ziełandyju
Biełaruskija mytniki znajšli 1000 dalaraŭ u šakaładnaj cukiercy, jakuju adpravili ź Biełarusi ŭ Novuju Ziełandyju. Cukierka była zapakavanaja ŭ dźvie abhortki, piša «BiełTA».
Fota ilustracyjnaje
Usiaho z pačatku hoda Minskaja rehijanalnaja mytnia vyjaviła bolš za 300 sprobaŭ pierasyłki najaŭnych hrošaj u mižnarodnych paštovych adpraŭleńniach praz Nacyjanalny aeraport «Minsk» i punkt mytnaha afarmleńnia «Minskaja pošta». Jašče ŭ adnym vypadku z Hiermanii ŭ Biełaruś prysłali 2770 dalaraŭ.
Cikava, što dvojčy ŭ listach ź Livana znachodzili livanskija funty. U adnym adpraŭleńni było 200 banknot naminałam u 1000 livanskich funtaŭ, u inšym — piać banknot u 100 tys. funtaŭ. Apošnija majuć kalekcyjnuju kaštoŭnaść, bo banknoty ŭ 100 tys. livanskich funtaŭ byli vypuščanyja abmiežavanym nakładam u 150 tys. štuk u 2020 hodzie ŭ honar 100-hodździa Livana. Jany stali pieršymi hrašyma, u jakich vykarystanyja elemienty abarony Cinema i Vivid, jakija robiać malunak trochmiernym.