U Adesie z pamiatnaha znaka na Dumskaj płoščy źbirajucca źniać pakazalniki Minska i Bresta
Pakazalniki z nazvami biełaruskich haradoŭ Bresta i Minska prybiaruć z pamiatnaha znaka haradam-pabracimam i haradam-partnioram Adesy, što staić na Dumskaj płoščy kala meryi. Adpaviedny prajekt rašeńnia — «u suviazi z padtrymkaj aficyjnym Minskam uzbrojenaj ahresii RF suprać Ukrainy» — vyniesieny na čarhovaje pasiadžeńnie harvykankama, paviedamlaje vydańnie «Dumśka».
Raniej z pomnika źniali pakazalniki Maskvy, Sankt-Pieciarburha, Vałhahrada, Rastova-na-Donie i Tahanroha, a biełaruskija da pary vyrašyli nie čapać. Ciapier dajšła čarha i da ich.