U Hrodnie nie chapiła srodkaŭ, kab dabudavać škołu da novaha navučalnaha hoda
Novuju škołu budujuć u mikrarajonie Hrandzičy-3. Jana budzie čatyrochpaviarchovaj, z basiejnam i trenažornaj załaj, raźličanaja na 44 kłasy dla 1020 vučniaŭ. Pieršapačatkova adkryćcio płanavali na žnivień 2022 hoda, paśla terminy źmianilisia. Pryčyna zatrymak — niama srodkaŭ, piša «Viečiernij Hrodno».
Zaraz stupień hatoŭnaści budynka — pryblizna 70%. Uźviedzienaja karobka, hatovyja vokny, ustaŭlenyja vitražy, raskazaŭ prarab učastka Siarhiej Surkant. Dalej pa płanie — dach, azdableńnie i vientylacyja, ale pakul hrošaj niama. Kali finansavańnie budzie, budaŭnictva skončać da vosieni 2023 hoda, paviedamlaje vydańnie.
Da kanca 2022 hoda na škołu pavinny vydzielić 3,5 młn rubloŭ. Hetyja srodki pojduć na zaviaršeńnie konturu budynka i padklučeńnie aciapleńnia.
Škołu ŭ mikrarajonie Hrandzičy-3 pačali budavać u kancy śniežnia 2020 hoda. Budaŭnictva idzie za košt srodkaŭ abłasnoha biudžetu ŭ ramkach inviestycyjnych prahram Hrodzienskaj vobłaści na 2020, 2021 i 2022—24 hady. A pakul dzieci z Hrandzič jeździać vučycca ŭ škoły ŭ mikrarajonie Dzieviatoŭka — SŠ № 32, 27 i 28.