Tolki 13 pryvatnych škoł u Biełarusi mohuć vydavać atestaty
Ź niekalkich sotniaŭ niedziaržaŭnych ustanoŭ adukacyi tolki krychu bolš za dziasiatak majuć prava vydavać dakumienty ab adukacyi. Pra heta zajaviŭ ministr adukacyi Andrej Ivaniec.
Fota ilustracyjnaje
Pavodle čynoŭnika, novy Kodeks ab adukacyi dazvalaje finansavać pryvatnyja škoły i dziciačyja sady ź biudžetu — naroŭni ź dziaržaŭnymi. Ale dla hetaha, maŭlaŭ, nieabchodna adpaviadać patrabavańniam, što pradjaŭlajucca Minadukacyi.
Siońnia ŭ krainie niekalki sotniaŭ pryvatnych škoł, ale ź ich, jak skazaŭ Ivaniec, tolki 13 atrymali akredytacyju ad Minadukacyi.
Jaje vydaje Departamient kantrolu jakaści adukacyi, jakaja pa novym kodeksie dazvalaje vydavać atestaty ab siaredniaj adukacyi.
«Z 1 vieraśnia im budzie patrebny siertyfikat ab akredytacyi. Čamu? Tamu što ni dakumient ab adukacyi jany nie buduć mieć prava vydavać z takoj pryvatnaj ustanovy adukacyi, i adpaviedna my nie zmožam potym pieravieści hetaje dzicia ŭ dziaržaŭnuju ŭstanovu», — zajaviŭ čynoŭnik.