Ad sierviroŭki stałoŭ da myćcia paiłak: pašyryli pieralik rabot, na jakija možna najmać padletkaŭ
Ministerstva pracy i sacyjalnaj abarony Biełarusi źmianiła śpis lohkich rabot, jakija mohuć vykonvać padletki va ŭzroście ad 14 da 16 hadoŭ. Adpaviednaja pastanova № 50 ad 23 žniŭnia ŭstupić u siłu paśla aficyjnaha apublikavańnia, jakoje zapłanavana na 8 vieraśnia.
Fota ilustratyŭnaje
Novyja vidy rabot, jakija najmalnik moža davieryć padletkam 14-16 hadoŭ, takija:
- uzvažvańnie na vahach, kamplektavańnie, sartavańnie, upakoŭka tavaraŭ, raskładka na palicy i ŭstanoŭka ceńnikaŭ na tavary;
- sierviroŭka stałoŭ i zbor brudnaha posudu ŭ kaviarniach, restaranach i inšych ustanovach hramadskaha charčavańnia;
- prybirańnie kletak, valjeraŭ, zahonaŭ, padsobnych pamiaškańniaŭ i hniezdavych damkoŭ, myćcio karmušak i paiłak;
- ramont i pieraplot knih;
- ručnoje myćcio aŭtamabilaŭ;
- restaŭracyjnyja raboty (ale, jak i budaŭničyja dy budaŭniča-ramontnyja raboty, biez vykarystańnia mašyn i abstalavańnia, elektramiechaničnaha i pnieŭmatyčnaj instrumienta, niebiaśpiečnych materyjałaŭ, biez padymańnia na vyšyniu).