Piaskoŭ: Pucin pastajanna na suviazi z Šajhu
Prezidentu Rasii Uładzimiru Pucinu dałažyli ab pierahrupoŭcy vojskaŭ u rajonie haradoŭ Izium i Bałakleja ŭ Charkaŭskaj vobłaści, jon znachodzicca na pastajannaj suviazi ź ministram abarony Siarhiejem Šajhu, paviedamiŭ žurnalistam pres-sakratar prezidenta Dźmitryj Piaskoŭ.
«Zrazumieła, usio, što adbyvajecca, lubyja dziejańni, jakija ździajśniajuć vajskoŭcy padčas śpiecyjalnaj vajennaj apieracyi, dakładvajucca viarchoŭnamu hałoŭnakamandujučamu. … Prezident znachodzicca na pastajannaj, kruhłasutačnaj suviazi i ź ministram abarony, i z usimi vojenačalnikami», — skazaŭ pradstaŭnik Kramla.
Piaskoŭ taksama paviedamiŭ, što «śpiecapieracyja» va Ukrainie praciahvajecca i budzie praciahvacca da dasiahnieńnia pastaŭlenych metaŭ.