Praciahnuli na paŭhoda biaspošlinny ŭvoz tavaraŭ na sumu ŭ 1000 jeŭra
Rada Jeŭrazijskaj ekanamičnaj kamisii padoŭžyła dziejańnie parohu biaspošlinnaha ŭvozu tavaraŭ dla fizičnych asob u 1000 Jeŭra da 1 krasavika 2023 hoda.
Fota: RoseBox / Unsplash
«Padaŭžeńnie hetaj miery dazvolić padtrymać hramadzian va ŭmovach sankcyjnaha cisku i paźbiehnuć deficytu tavaraŭ pieršaj nieabchodnaści i tavaraŭ krytyčnaha impartu», — zajavili ŭ pres-słužbie JEEK.
U sakaviku Rada JEEK pavysiła paroh biaspošlinnaha ŭvozu da 1000 jeŭra na časovaj asnovie da 1 kastryčnika biahučaha hoda.
U Biełarusi śledam za rašeńniem JEEK taksama byŭ pavialičany limit dla biaspošlinnaha ŭvozu pasyłak: 1 tys. jeŭra i 31 kh. Kali košt pasyłki pieravyšaje ŭstanoŭlenaje abmiežavańnie abo jaje vaha składaje bolš za 31 kh, nieabchodna zapłacić pošlinu ŭ pamiery 15% ad koštu zamovy, ale nie mienš za 2 jeŭra za 1 kh.