Śledčaja kamisija AAN: Rasijskaja armija ŭčyniaje vajennyja złačynstvy ŭ vializarnym maštabie
Ruskaja słužba BBC cytuje staršyniu kamisii Eryka Miose, jaki zajaviŭ, što śledčaja kamisija sabrała dokazy vajennych złačynstvaŭ, ździejśnienych rasijskimi vajskoŭcami va Ukrainie ŭ «vializarnym maštabie».
Ekshumacyja ciełaŭ zahinułych pad Iziumam na Charkaŭščynie
Siarod zadakumientavanych kamisijaj vajennych złačynstvaŭ rasijan suprać ukraincaŭ — pakarańni śmierciu, katavańni, seksualny hvałt i złačynstvy suprać dziaciej, maštabnyja abstreły i bambavańni nasielenych punktaŭ.
Śledčaja kamisija AAN była stvorana Radaj pa pravach čałavieka ŭ sakaviku, nieŭzabavie paśla rasijskaha ŭvarvańnia va Ukrainu. Pa słovach Miose, hrupa AAN pabyvała ŭ 27 nasielenych punktach, parazmaŭlała z 150 achviarami i vidavočcami dy prainśpiektavała miescy ŭtrymańnia pałonnych na vyzvalenych ad akupacyi terytoryjach.
«Hruntujučysia na sabranych dokazach, Kamisija pryjšła da vysnovy, što va Ukrainie byli ździejśnienyja vajennyja złačynstvy», — skazaŭ Miesie.
Usiaho z pačatku poŭnamaštabnaha ŭvarvańnia Rasii va Ukrainu Nacyjanalnaja palicyja Ukrainy zarehistravała bolš za 34 tysiačy kryminalnych spraŭ pa fakcie ŭčynieńnia vajennych złačynstvaŭ.